Бишкектеги Биринчи май райондук сотунун сот аткаруучусу жок кылууга жиберилген өрдөк этин сатып жибергени белгилүү болду. Бул тууралуу Улуттук коопсуздук боюнча мамлекеттик комитетинин (УКМК) басма сөз кызматы кабарлады.
УКМКнын коррупцияга каршы күрөш кызматы аныктагандай, былтыр 23-май күнү Биринчи май райондук соту аткезчилик менен алынып келген 70 тонна өрдөк этин жок кылуу тууралуу чечим чыгарган. Чечимди жүзөгө ашыруу сот аткаруучу С.Н.Ага жүктөлгөн. Бирок Коррупцияга каршы күрөш кызматы ал кызматкер этти жок кылбай эле, 150 миң долларга сатып жибергенин аныктаган. Маалыматка ылайык, сот аткаруучу болгону 5 тонна этти жок кылган.
Кармалган сот аткаруучу Жазык кодексинин 98-беренеси («Конфискациялоодо келтирилген зыяндын ордун толтуруу») боюнча айыпталып, УКМКнын тергөө абагына камалды. Учурда иликтеп-тергөө иштери жүрүп жатат.
2018-жылы «Кытайдан мыйзамсыз алынып келди» деген жүйө менен кармалган 80 тонна өрдөк этине байланыштуу чыр эмдигиче аягына чыга элек. Ал окуяда өкмөт аппаратында жана Экономикалык кылмыштарга каршы күрөш боюнча мамлекеттик кызматта иштеген аткаминерлердин аттары аталганы белгилүү
Башкы прокуратура тарабынан соттук чечимдердин аткарылышына карата текшерүү жүргүзүлүп, жыйынтыгында Октябрь районунун сот аткаруучусуна карата …
УКМКнын Баткен облусу боюнча башкармалыгы 2 миллион сомго жакын бааланган тамеки буюмдарын мамлекеттин эсебине конфискациялады. …
Кыргызстан Катарга эт жана бал азыктарын жеткирет. Бул тууралуу Катардын Доха шаарында өткөн төрт күндүк …
Ысык-Көлдө алдамчылыка шектелип сот аткаруучу кармалды. Бул тууралуу Ысык-Көл ОИИБдин Басма сөз кызматы 2020-жылдын 31-октябрында …
Ош облусунун Кара-Суу районунда пара талап кылууга шектелген сот аткаруучу кармалды. Бул тууралуу ИИМдин басма …
