2020-жылдын 28-марты саат 14:00гө карата Кыргызстанда коронавирус инфекциясын жуктуруунун жаӊы учурлары катталган жок. Бул тууралуу Республикалык штаб билдирет.
Бүгүнкү күндө өлкө боюнча коронавирусун жуктурган 58 учуру аныкталган. 6 бейтап ошондой эле реанимацияда, бирок алардын бири дагы өпкөнүн жасалма вентиляциясына муктаж болгон эмес. Өлкөдөн тышкары коронавирус 5 биздин жараныбызда аныкталды. Алардын абалы — жакшы.
