Кыргызстан чет элдик жарандардын кирүүсүнө уруксат берүү үчүн коронавирус инфекциясынын жайлышынын төмөндөшү жана эпидемиологияк абалдын турукташы байкалган мамлекеттердин тизмесин түздү. Бул тууралуу Республикалык штабдан билдиришти.
Алар: Орусия, Грузия, Азербайжан, Армения, Беларус, Казакстан, Түркмөнстан, Белгия, Австрия, Улуу Британия, Германия, Ирландия, Исландия, Италия, Латвия, Литва, Лихтенштейн, Люксембург, Португалия, Түркия, Швейцария, Швеция, Катар, Бириккен Араб Эмираттары, Кытай, Малайзия, Түштүк Корея, Пакистан, Словения, Кувейт жана Жапония.
Белгилей кетсек, COVID-19 пандемиясына байланыштуу өлкөдө аба каттамдары токтоп, чек аралар жабылган болчу.