Бугүн, 11-июнда өтүп жаткан Кыргызстан менен Мьянманын беттешинде «Ак шумкарлар» 8:1 эсебинде алдыга чыкты.
Беттеш Осака шаарындагы «Нагаи» стадионунда өтүп, Бишкек убактысы боюнча 13:00дө башталган.
Кыргызстандын эсебиндеги биринчи голду Турсунали Рустамов 22-мүнөттө киргизди. Андан көп өтпөй 29-мүнөттө Гүлжигит Алыкулов эсепти 2:0 кылды. Үчүнчү голду Фархат Мусабеков 34-мүнөттө, ал эми төртүнчү голду Алимардон Шукуров 45-мүнөттө киргизди. Калыс ышкырыкты жаңыртар алдында (45+2) капитандык милдетти аткарып жаткан Мирлан Мурзаев эсепти 5:0 кылды. Кийин Мирлан Мурзаев алыскы аралыктын бүгүнкү беттештеги экинчи укмуштуудай голун жаратты. Абай Боколеев эч кандай кыйынчылыксыз атаандаштын дарбазасына таамай 7-голду багыттады.
Оюндун соңунда калыс ышкырыгын жаңыртты. Эсеп саны 8:1 . Натыйжада «Ак шумкарлар» Мьянманы жеңип алды.
