Бишкек.23.04.2019.Govori.TV.
Германиянын Кельн шаарында эгиз ымыркайлар 97 күн айырма менен төрөлдү. Оксана атуу айым 6 айлык кош бойлуу кезинде суусу кетип, ооруканага жеткирилген.
Ал эми даарыгерлер эне-баланы сактап калышкан. 900 грамм салмакта төрөлгөн ымыркайдын бирөөсүн гана алып чыгып, Лиана деген ысым ыйгарышкан. Ал эми экинчисин айы-күнү жеткенде төрөлсүн деп калтырып коюшкан.
Эгиздин түгөйү ай-күнү келгенде 3 килограмм 700 грамм салмакта төрөлгөн. Маалыматка ылайык, Лиана 2018-жылдын 17-ноябрында төрөлсө, Леони 2019-жылдын 22-февралында төрөлгөн.
