«Түндүктө» баланын төрөлгөнүн онлайн каттоо кызматы пайда болду

Мобилдик «Түндүк» тиркемесинде баланын төрөлгөнүн онлайн каттоо кызматы жеткиликтүү болду.

Маалыматка ылайык, эми эне да, ата да баланын төрөлгөнүн каттоо боюнча арызды түздөн-түз «Түндүк» тиркемеси аркылуу бере алышат.

«Түндүк» аркылуу төмөнкү кызматтарды колдонууга болот:

• баланын төрөлгөнүн каттоого арыз берүү;
• арыздын каралуу статусун көзөмөлдөө;
• даяр туулгандыгы тууралуу күбөлүктү электрондук форматта алуу.