Бийликти күч менен басып алууга аракеттенген деген айыптын негизинде эки айга камалган Алмаз Сарыбаев 17-сентябрдан бери ачкачылык кармоону улантууда. Бул тууралуу Акыйкатчы институтунан билдиришти.
«Анын абалын дарыгерлер көзөмөлдөп турушат. Биздин кызматкер Сарыбаев менен жолугуп чыкты. Ал ачкачылыкты улантып жатканын билдирген»,-деп айтылат маалыматта.
«Толубай» банкынын директорлор кеңешинин мурдагы мүчөсү Алмаз Сарыбаев 16-сентябрдагы сот чечими менен Бишкектеги №1 тергөө абагына эки айга камакка алынган.