• Шейшемби 22 Кулжа 2021

Аблязов: Путин тажик-кыргыз чырынын автору экенин ачык эле айткандай болду

10 мая 2021 в 16:15 Бишкек Govori.TV

РФтин президенти Владимир Путин менен Тажикстандын башчысы Эмомали Рахмондун Улуу Жеңиш күнүнө арналган парадда жолугушуусу боюнча жеке пикирин Мухтар Аблязов фейсбуктагы баракчасына жазган.

“Путин тажиктер менен куралдуу чыр-чатактын автору ал экенин кыргыздарга ачык эле айткандай болду”, – дейт казакстандык оппозициячыл саясатчы.

Ал өзүнүн публикациясында Путин Кыргызстан менен Тажикстандын ортосундагы конфликт анын уруксаты менен болгонун жашырууга аракет да кылган жок, деп жазды.

“Путин ачык-айкын белги берип жатат – Кыргызстандагы демократиялык өзгөрүүлөр ага туура келбейт. Путин Орусия, Казакстан, Тажикстан, Түркмөнстан жана Өзбекстан сыяктуу авторитардык жана мафиялык режимди сактаган өлкөлөр менен гана дос болот”, – дейт Аблязов.

Кызыл аянтта, Путин тажик президенти менен чогуу жүрүп, Тажикстан менен Кыргыз өлкөсүнүн чек арасындагы аскердик кагылышууну өзү уюштургандыгын ачык көрсөттү.

Количество просмотров: 896