Бишкек.28.05.2019.Govori.TV.
Бүгүн премьер-министр Мухаммедкалый Абылгазиев Айыл чарба министрлигине талапкерлигин койгон жеке ишкер Тилек Токтогазиевди эмнеге колдобогондугун Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинин отурумунда түшүндүрдү.
Өкмөт башчынын айтымында кадрларды тандоодо жаштыкка гана таянбас керек.
«Тилек Токтогазиев — жаңыча көз караштагы жаш ишкер. Күнөскана менен алектенет. Бирок, жаштык менен билимден сырткары тажрыйба дагы керек деп ойлоймун», -деди ал.
Эске салсак, Тилек Токтогазиевдин талапкерлигин «Бир-Бол» фракциясы колдоп чыккан. Мухаммедкалый Абылгазиев аталган кызматка Эркинбек Чодуевду сунуштады. Ал 55 жашта, Айыл чарба министринин орун басары болуп иштейт.
