Бишкек. 09.12.2018.Govori.TV
Бүгүн, 9-декабрда Бишкек шаарында Улуттук адабият күнү белгиленет. Иш-чараны Маданият,маалымат жана туризм министрлиги, Билим министрликтери, USAID агенттигинин “Келгиле, окуйбуз!” жана “Билим үчүн азык жана балдардын тамактануусу” долбоорлору биргелешип уюштурууда.
Калктын китеп окуу маданиятын жакшыртуу, улуттук адабиятты өнүктүрүү жана кеңири жайылтуу максатын көздөгөн бул иш-чара быйыл улуу жазуучу Чыңгыз Айтматовдун 90 жылдык мааракесине арналат.
Жазуучунун эстелигине гүл чамбар коюлат. Андан кийин Балдар жана жаштар китепканасында “Келгиле, Айтматовду окуйбуз!” мелдеши, суроо-жооптор уюштурулуп, Айтматовдун чыгармаларына негизделген тасмалар көрсөтүлөт.
