Түркиядагы зилзала учурунда Адана шаарында иштеген он чакты кыргызстандык кыз-келин үй-жайсыз калды. Аларга жардам берүү үчүн атайын топ жолго чыгып кеткенин Кыргызстандын Анталиядагы башкы консулу Рустам Кошонов билдирди.
Түрк бийлиги зилзаладан 10 шаар — Газиантеп, Кахраманмараш, Хатай, Османие, Адияман, Малатя, Шанлыурфа, Адана, Диярбакыр жана Килис зыян тартканын билдирди.
6-февралда кечке жуук таратылган расмий маалыматта айтылгандай, набыт кеткендер Түркияда 1500дөн ашса, Сирияда 800гө жакындады. Куткаруучулар урандылардын астында калгандарды издеп жаткандыктан, бул сандар өсүшү ыктымал. Айрым маалымат каражаттары тирүү табылгандар тууралуу жазып жатышат.
Түрк бийлиги 5000ден көп киши жабыркап, 3000дей имарат кыйраганын кабарлады. Сириядагы жабыркагандар, кыйроолор тууралуу так маалымат жок.
Эл аралык медиа жазгандай, НАТОго, Евробиримдикке мүчө жана башка 45 мамлекет Анкарага жардам сунуштады. Арасында Кыргызстан, АКШ, Украина, Орусия бар. Ал эми Сирияга Иран, Орусия, Германия, Франция өңдүү бир канча өлкө көмөк көрсөтө турган болду.
Түркия менен Сирия чектешкен аймакта 6-февралда таңга жуук күчү 7,8 баллга жеткен зилзала болгон. Түш оой аймакта күчү 7,5 баллдык жер титирөө кайталанды.
Булак: centralasian.org.
Нарында жер силкинди. Бул тууралуу ӨКМ кабарлады. Сейсмология институтунун маалыматына ылайык, түнкү саат 2:29да Кыргызсандын …
КР Сейсмология институтунун Өзгөчө кырдаалдар министрлигине берген маалыматына ылайык, 12-апрель күнү саат 14:13тө Кытай Эл …
Тайванда куткаруучулар 3-апрелдеги жер титирөөдөн кийин урандылардын алдынан жүздөгөн адамды алып чыгышты. Акыркы маалыматтарга ылайык, …
Тайвандагы жер титирөөдөн жабыркагандардын арасында кыргызстандыктар жок. Бул тууралуу Кыргызстандын Тышкы иштер министрлиги кабарлады. Маалым …
Кыргызстандын аймагында 4-апрелде саат 04:43тө очогунда күчү 3,5 баллга жеткен жер титирөө катталды. КР Сейсмология …
Бүгүн, 3-апрелдин таңында Тайвандын чыгыш жээгине жакын жерде үч жолу катары менен каттуу жер титирөө …
