Афганистандын президенти Ашраф Гани Ахмадзай Садыр Жапаровду президенттик шайлоодогу жеңиши менен куттуктады. Ал куттуктоосунун тексттин твиттердеги баракчасына жарыялаган.
Гани Ахмадзай «Кыргызстандын жаңы президенти Садыр Жапаровду жылуу куттуктайм», — деп жазган.
Белгилей кетсек, бүгүн республикада мөөнөтүнөн мурда президенттик шайлоо жана башкаруу формасы боюнча референдум аяктады. Алдын-ала маалыматы боюнча, Садыр Жапаров ири айырма менен алдыда келе жатат. Ал 79,2 пайыз добушка ээ болду.