Жогорку Кеңештин депутаты Искендер Матраимов “Азаттыкка” иниси, бажы кызматынын төрагасынын мурдагы орун басары Райымбек Матраимовго тиешелүү делип камакка коюлган мүлк тууралуу комментарий берди.
“Оштогу үй апамдан мураска калган үй. Азыр бардык мүлктү Райымбекке байлап атат. Менин өзүмдүн да тиричилигим бар. Мен алган насыяларымды, төлөгөн акчамды да тактап койгом. Кечээ сүйлөгөндөрдү көрдүм. Бири мени “Райымбектин агасы” дейт, бири “иниси” дейт. Мыйзам боюнча 18ге чыккандан кийин ата-энеси баласына да жооп бербейт. Агасы инисине да жооп бербейт. Ал (Райымбек Матраимов) өзүнүн ишине өзү жооп берет. Мен өзүмө жооп берем”, — деди ал.
Эске салсак, буга чейин УКМК Райымбек Матраимовдун 34 млн 810 миң 500 долларлык (3 млрд 98 млн 134 миң сом) кыймылсыз мүлкү мамлекеттин менчигине өткөнүн билдирген. Анын ичинде Бишкек менен Ош шаарларындагы кымбат үйлөр, коммерциялык имараттар, Чүй жана Ош облусундагы эки бажылык каттоо жери көрсөтүлгөн.
Ал эми Ош облусунун Кара-Суу районунда Райымбек Матраимовго тиешелүү делген 26 кыймылсыз мүлк камакка коюлганы белгилүү болду.
Январь айында Улуттук коопсуздук боюнча мамлекеттик комитет (УКМК) Райымбек Матраимовго издөө жарыялап, милиция кызматкерлерине ал тууралуу багыттама берген. Ага Кылмыш-жаза кодексинин “Эркиндигинен мыйзамсыз ажыратуу” беренесинин “Уюшкан топ жана кылмыштуу уюмдар тарабынан адамды күч менен кармоо, анын жүрүү эркиндигин чектөө” бөлүгү менен айып коюлган.
УКМКнын төрагасы Ташиев Райымбек Матраимовду жана маркум кримтөбөл Камчы Көлбаевди өлкөдө “мафия түзгөн” деп айыптаган.
Учурда Райымбек Матраимов каякта экени белгисиз.
Маркум Камчы Көлбаевдин уюшкан кылмыштуу тобунун мүчөлөрүнө таандык делген мүлктөр аныкталды. Бул тууралуу УКМКнын басма …
Депутат Искендер Матраимов юстиция министринин орун басары Орозбек Сыдыковду сынга алды. Бүгүн, 14-февралда Жогорку Кеңештин …
Салык кызматы президент Садыр Жапаровдун басма сөз катчысы Эрбол Султанбаевдин мүлкү тууралуу маалыматты жарыялады. Ал …
Украинанын Жогорку антикоррупциялык соту Юстиция министрлигинин доо арызын канааттандырып, өлкөнүн мурдагы президенти Виктор Януковичтин бардык …
Казакстандын экс-президенти Нурсултан Назарбаевдин кызы Динара Назарбаева менен анын күйөөсү Тимур Кулибаевге байланышы бар компаниялар …
Экс-президенттин бир тууган иниси жана ЖКнын мурдагы төрагасы Асылбек Жээнбеков өткөн жылы 2 миллион 119,7 …
