Бишкектеги «Айчүрөк» соода борборунда чыккан өрт өчүрүлдү.
Өзгөчө кырдаалдар министрлигинин басма сөз кызматы билдиргендей, ЦУМ-2 соода борборунда өрт чыкканы тууралуу маалымат болжол менен саат 11:00до түшкөн. Ал эми 11:30да өрт толугу менен өчүрүлгөн.
«Имараттын ичинде таштанды күйгөнү аныкталды. Өрттөн жабыр тарткандар, жаракат алгандар болгон жок»,-деп айтылат маалыматта.
Буга чейин социалдык тармактарда «Айчүрөк» дүкөнүнүн имаратынын жогорку кабатынан көк түтүн чыгып, өрттөнүп жатканы тартылган видеолор тараган болчу.