• Ишенби 23 Үчтүн айы 2021

Айлана-чөйрөнү коргоо агенттиги мамлекетке 7 млн сом зыян келтиргени аныкталды

14 января 2021 в 15:56 Бишкек Govori.TV

Айлана-чөйрөнү коргоо жана токой чарба мамлекеттик агенттиги бюджетке 7 миллион 290 миң 366 сом зыян келтиргени аныкталды. Бул тууралуу Башкы прокуратуранын маалымат кызматы билдирди.

Маалыматка ылайык, аталган агентиктин 2018-жылдан 2020-жылга чейинки аралыктагы ишмердигине аудит жүргүзүлгөн. Натыйжада агенттиктин жооптуу кызмат адамдары айлана-чөйрөнү коргоо боюнча мыйзамдардын талаптарын бузганы, дары өсүмдүктөрдү жыйноого жеке жана юридикалык тараптарга уруксат берүүдө акыларды мыйзамга ылайык өндүрбөгөнү жана башка кемчиликтер аныкталган.

“Кызматкерлердин мыйзамсыз иш-аракеттеринин натыйжасында мамлекетке 7 млн 290 миң 366 сом зыян келтирилген”,-деп айтылат маалыматта.

Бул факты 4-январда Кылмыштардын жана жоруктардын бирдиктүү реестрине катталып, териштирүү иштери жүрүүдө.

Количество просмотров: 50