Бүгүн, 28-июлда «Токио-2020» жайкы Олимпиада оюндарына катышуу үчүн кыз-келиндер боюнча Кыргызстандын курама командасы Японияга учуп кетишти. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.
Маалыматка ылайык, кыз-келиндер курамасынан Олимпиадага жолдомо уткан Айсулуу Тыныбекова, Мээрим Жуманазарова, Айпери Медет кызы Японияга жөнөп кетишти. Балбан кыздарды башкы машыктыруучу Нурбек Изабеков жана улук машыктыруучу Байгазы Кенжебаев коштоп кеткен.
Белгилей кетсек, 1-август күнү Айпери Медет кызы күрөшсө, 2-августта Мээрим Жуманазарова беттешет. 3-август күнү Айсулуу Тыныбекова килемге чыгат.