Өзгөн райондук соту Айзирек Эралиеванын өлтүрүлүшүнө байланыштуу ишти карап, өкүм чыгарды. Ага ылайык, маркумдун күйөөсү 18 жылга эркинен ажыратылды.
Бул окуяга байланыштуу «адам өлтүрүү», куралды, ок-дарыларды мыйзамсыз жүгүртүү» беренелери менен кылмыш иши козголгон.
Быйыл 26-майда Өзгөндө бүтүрүүчүлөрдүн 20 жылдык кечесинен кийин ага барган 38 жаштагы Айзирек аттуу келин өлтүрүлгөн. Аны атууга шек саналып 40 жаштагы күйөөсү, Кара-Кулжа районунун тургуну камакка алынган.
