Бишкектеги Ак-Өргө жаңы конушунда жайгашкан көп кабат үйдүн курулушунда өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, өрт чыккандыгы тууралуу маалымат саат 13:53тө келип түшкөн. Өрттү өчүрүүгө жалпы үч бөлүм тартылган.
«Өрт саат 15:43тө чектөөгө алынды. Учурда өрттү толук өчүрүүгө болгон аракет жасалып жатат»,-деп айтылат маалыматта.
Адамдар арасында жабыркагандар бар-жогу айтыла элек.
Буга чейин жаңы курулуп жаткан кабат үйдүн чатырынан өрт чыккандыгы тууралуу маалымат социалдык түйүндөрдө тараган болчу.