Аба ырайынын кескин өзгөрүшүнө байланыштуу Ак-Суу районунун Советское, Соколовка жана Ак-Булуң айылдарына жакын жайгашкан жолдордо кар күрткүсү пайда болуп, унаа тыгындары жаралды.
Жолдорду тазалоого көрүлгөн чараларга карабастан, бороон тазаланган жолдорду кайрадан эле карга толтуруп жатканын Ысык-Көл облусунун ички иштер башкармалыгынын басма сөз кызматы билдирди.
Ведомство айдоочуларды өтө зарылчылык болбосо, белгиленген маршрут боюнча жана калктуу конуштардан тышкары жүрүүдөн баш тартууга чакырат.