Кыргызстанда 144 медикке бир жолку төлөнүүчү компенсациялык төлөмдөр берилди. Бул тууралуу коомдук саламаттык сактоо башкармалыгынын башчысы Айнура Акматова бүгүн, 11-сентябрдагы брифингде билдирди.
«Өкмөттүн 4-майдагы буйругунун негизинде 144 медкызматкерге бир жолку төлөнүүчү 200 миң сом өлчөмүндөгү компенсациялык төлөмдөр берилди. Ошондой эле пандемия учурунда каза болгон медкызматкерлердин үй-бүлөлөрүнө 1 млн сомдон тапшырылды», — деди Акматова.