Жума күнү АКШ санкциялык тизмелерин Орусия, Кытай жана башка өлкөлөрдөн келген 400дөн ашык юридикалык жана жеке адамдарды камтый турганын жарыялады. Жаңыланган тизмеге Кыргызстандын да бир компаниясы киргени маалым болду. Жалпысынан Кытайдан 42, Түркиядан сегиз, Ирандан 11 компания санкция тизмесине киргизилген.
Санкциялар Кыргызстандын бир юридикалык компаниясына да таасирин тийгизди. Сөз «Акфорта» ЖЧКсы жөнүндө болууда. Кыргызстандын Соода-өнөр жай палатасынын маалыматы боюнча, компания eleed платформасында бизнес-процесстерди автоматташтыруу, программалык камсыздоону иштеп чыгуу жана IT-консалтинг боюнча адистешкен.
Компаниянын расмий сайтындагы маалыматка караганда, алар коммерциялык жана мамлекеттик ишканаларды IT-жабдууларды, анын ичинде компьютердик тетиктерди, микрочиптерди жана программалык продуктыларды комплекстүү жеткирүү менен алектенишет. Кыргызстандын Юстиция министрлигинин маалыматы боюнча, ишкананын директору Шалин Виталий Евгеньевич, ал эми ЖЧК өзү 2011-жылдын 8-августунда кайра каттоодон өткөн.
Эске сала кетсек, буга чейин АКШ да Орусиянын өнөр жай объектилери менен кызматташуусуна байланыштуу Кыргызстандын компанияларына каршы санкцияларды киргизген. Акыркы жолу АКШ “Tranzit Service Bishkek” (TSB LLC) компаниясына жана Кыргызстандын Nova Project компаниясына санкция киргизген.
Украинадагы согушту колдогон жаңы компанияларга жана жеке адамдарга каршы санкцияларды АКШнын Мамлекеттик департаменти, Каржы министрлиги жана Соода департаменти киргизген.
Reuters агенттиги маалымдагандай, Мамдепартамент ондогон кытайлык компаниялар Орусияга өнөр жай жабдууларын жана микроэлектрониканы жеткирүүгө катышканы үчүн санкцияга кабылганын тактады.
АКШнын Каржы министрлигинин пресс-релизинде санкциялар Орусияга ок-дарыларды жана башка аскердик жүктөрдү жеткирген, санкцияларды айланып өтүүдө орус олигархтарына колдоо көрсөткөн жана буга чейин санкцияларга дуушар болгон алтынды сатуудан түшкөн акчаны адалдаган трансулуттук конгломераттарга каршы да киргизилгени белгиленген.
Бүгүнкү күндө Өзбекстан менен чек араларды демаркациялоо маалында мурда Өзбекстанга тиешелүү болуп келген эки айыл …
Кыргызстандын президенти Садыр Жапаров бүгүн, 18-июнда Албаниянын президенти Байрам Бегай менен анын Кыргызстанга болгон расмий …
Албания Республикасынын президенти Байрам Бегай 17-июнда, Кыргыз Республикасына расмий иш сапары менен келди. Жогорку даражалуу …
Бүгүн Кыргызстандын Улуттук курама командасы ФИФАнын июнь айындагы эл аралык беттештеринин алкагында Палестинанын улуттук курама …
Кыргыз Республикасы Европа Биримдигине учууларга тыюу салынган аба аркылуу ташуучулардын тизмесинен чыгарылды. Европа Комиссиясынын Мобилдүүлүк …
Бишкек шаарында тышкы иштер министри Жээнбек Кулубаев менен Кипрдин тышкы иштер министри Константинос Комбостун жолугушуусу …
