Дональд Трамп АКШда жашоого уруксат алуу боюнча жаңы программаны жарыялады, аны өкмөт киргизет. Анда жашоого уруксат алуу үчүн 5 миллион долларды төлөө үчүн зарыл болгон “алтын картаны” ишке киргизүү каралган. Бул тууралуу Independent басылмасы жазып чыкты.
Америка Кошмо Штаттарынын президентинин айтымында, алынган акча бюджеттин тартыштыгын жабууга жумшалышы мүмкүн.
«Алтын картаны сатканы жатабыз. Сизде жашыл карта бар. Бул алтын карта. Биз бул картага бааны белгилейбиз», — деди ал Ак үйдөгү маалымат жыйынында журналисттерге.
Дональд Трамптын айтымында, виза үчүн 5 миллион доллар короткон адамдар АКШда жаңы жумуш орундарын түзө алышат.
«Мен кээ бир орус олигархтарын билем, абдан жакшы адамдар. Алар мурункудай бай болбошу мүмкүн. Менин оюмча, алардын 5 миллион долларга чамасы жетет», — деп жооп берди ал орусиялык ишкерлер америкалык визанын жаңы түрүн алууга арыз бере алабы деген суроого.
«Алтын карта» жашыл картага барабар болуп, Американын жарандыгына жол ачат. Ал EB-5 визасын алмаштырат (ал АКШдагы долбоорлорго болжол менен 1 миллион доллар инвестициялоону талап кылат). АКШ лидери ошондой эле компаниялар бул системаны колдонуу менен баалуу адистерди тарта алат деп сунуштады.
Дональд Трамп жашап турууга уруксат берүү тутумун сынга алды, анткени ал «эмне үчүн визалар бекер берилиши керектигин» түшүнбөгөнүн айтты.
Бүгүн, 14-майда Пекинде Кытайдын төрагасы Си Цзиньпин Кытайга мамлекеттик сапар менен барган АКШ президенти Дональд …
Президент Садыр Жапаров Кыргызстандын Америка Кошмо Штаттарындагы жаңы дайындалган элчиси Эдил Байсаловду кабыл алды. Жолугушуунун …
Кыргыз Республикасынын президенти Садыр Жапаров тиешелүү жарлыкка кол койду. Ага ылайык, Байсалов Эдил Жолдубаевич Кыргыз …
АКШнын президенти Дональд Трамп 28-февралда Вашингтон Иранга каршы «ири масштабдуу аскердик операция» баштаганын билдирди. Анын …
АКШнын Индиана штатында жол кырсыгы катталып, Кыргызстандын жараны Б.Б. кармалды. КР Тышкы иштер министрлигинин маалыматы …
АКШнын Түштүк жана Борбор Азия иштери боюнча атайын өкүлү — элчи Серджио Гор Кыргызстанга келет. …
