Тууну өзгөртүүгө каршылык билдирип чыккан активист Афтандил Жоробеков кармалганын укук коргоочу Гүлшайыр Абдирасулова билдирди.
Ал эми Жоробеков Фейсбуктагы баракчасына: «Мени кармап, телефонумду алып жатышат. Аягына чейин! Желек өзгөрбөйт!», — деген билдирүү калтырган.
Азырынча милиция расмий маалымат бере элек.
Активист 9-декабрда Бишкектеги Максим Горький атындагы гүлбакта тууну өзгөртүүгө каршы митинг өткөрүүнү көздөп жаткан. Мындан улам ал буга чейин дагы милиция менен УКМКга сурак берип чыккан.