Бүгүн, 9-октябрда «Ала-Тоо» аянтында 4 партия тынчтык митингин өткөрө турганын Өмүрбек Бабанов билдирди. Бишкек шаарында «Республика», «Ата Мекен», «Бир бол» жана «Реформа» партиялары билдирүү таратуу үчүн жыйын өткөрүп жатат.
Анын маалыматы боюнча, катышуучулар алгач ар кайсы пункттарда чогулуп, анан борбордук аянттан жолугушат.
«Биз тынчтык митингин өткөрөбүз, биз тараптан эч кандай чагымчылдык болбойт. Биздин сунуш — депутаттарды коркутпай, сатып албай парламентти чогултуу», — деди Бабанов.
Тилек Токтогазиев Кыргызстанда тынчтык, мыйзамдуулук болсун деп колдосо Садыр Жапаровдун тарапташтарын да тынчтык митингине кошулууга чакырды.