Алдамчылыкка шектелип кармалган Борбордук шайлоо комиссиясынын (БШК) мүчөсү Акылбек Эшимов жумушка чыкты. Маалыматты Боршайкомдун басма сөз кызматы тастыктады.
Эшимов Кылмыш кодексинин 204-беренеси («Ири өлчөмдөгү алдамчылык») менен шек саналып кармалганын Улуттук коопсуздук боюнча мамлекеттик комитети (УКМК) 11-сентябрда маалымдаган. Атайын кызматтын маалыматы боюнча, Эшимовго каршы арыз түшкөн, кайрылган адам БШКнын мүчөсү «Кыргызстан» саясий партиясынын лидери менен кошо 550 000 доллар алганын билдирген. Акча 2020-жылы июнь айында парламенттик шайлоого катышуучу партиялык тизмеде алдыңкы беш орундун ичине кошуу убадасы менен алынганы, ал сөз ишке ашпай калгандан кийин анын 300 миң доллары гана ээсине кайтарылганы белгиленген.
Бишкектин Биринчи май райондук соту БШКнын мүчөсүн эки айга УКМКнын тергөө абагына камоо чечимин чыгарган. Үстүбүздөгү жылдын январь айында Акылбек Эшимов эч жакка кетпөө боюнча тил каттын негизинде камактан бошотулган.
Эшимов кызматтан кетүү боюнча арызын декабрь айында жазган. Бирок камактан чыккандан кийин ал кызматтан кетүү тууралуу жазган арызын артка кайтарып алганы 26-январдагы парламент жыйынында белгилүү болду.
Жогорку Кеңештин жыйынында Алтынбек Кубатбеков Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү …
Жогорку Сот Борбордук шайлоо комиссиясынын мүчөсү, ири өлчөмдөгү алдамчылыкка байланыштуу айып тагылган Акылбек Эшимовго карата …
Алдамчылыкка айыпталган БШКнын мүчөсү Акылбек Эшимовду акталды. Бул тууралуу Биринчи Май райондук сотунун басма сөз кызматынан билдиришти. …
Борбордук шайлоо комиссиясынын мүчөсү Акылбек Эшимов кызматтан кетүү боюнча арыз тапшырды. Бул тууралуу бүгүн, 8-декабрда …
Борбордук шайлоо комиссиясынын мүчөсү Акылбек Эшимовдун бөгөт чарасы каралып, 11-ноябрга чейин камакка алынды. Бул тууралуу …
Борбордук шайлоо комиссиясы Акылбек Эшимовдун кармалышына байланыштуу билдирүү жасады. «БШКнын мүчөлөрү партиялардын талапкерлерин сунуштай албайт. …
