Араван районунун мамлекеттик мекемелериндеги жооптуу жана жогорку кызматкерлеринин кызмат абалынан кыянаттык менен пайдалануу фактысынын негизинде КР Кылмыш-жаза кодексинин 337-беренесинин 3-бөлүгү боюнча кылмыш иши козголуп, тергөө амалдары жүрүп жатат. Бул тууралуу УКМКнын басма соз кызматы кабарлады.
Маалыматка ылайык, 2022-жылдын 14-февралында Тепе-Коргон айылынын башчысы М.М.А. башка кызмат адамдары менен жең учунан сүйлөшүп алып, жер участогун «Сугат айдоо жерлери» категориясынан «Жеке турак жай куруу» категориясына которуу жөнүндө токтом чыгаргандыгы аныкталган, ал үчүн өз кезегинде «Кадастр» мамлекеттик мекемеси тарабынан жеке менчик укугуна мамлекеттик актылар берилген.
» Жүргүзүлгөн экспертизанын жыйынтыгында, жеке менчикке алынган жер тилкелеринин баасы 7,7 млн. сомду түзгөндүгү аныкталган. 2023-жылдын 17-майында аталган кылмыш иштин алкагында КР Кылмыш-жаза кодексинин 41-337-беренесинин 3-бөлүгүндө каралган кылмышка шектүү делип Араван районунун Тепе-Коргон айылынын башчысы М.М.А. кармалган жана Кара-Суу РИИБнин убактылуу кармоочу жайына камакка алынган»,-деп жазылат маалыматта.
Учурда бул кылмышка тиешеси бар башка кызмат адамдарын аныктоо боюнча тергөө амалдары жүргүзүлүүдө.
ИИМдин Кылмыш иликтөө башкы башкармалыгынын кызматкерлери опузалап талап кылып жүргөн шектүүлөрдү кармашты. Бул тууралуу ИИМдин Басма …
«Беш-Сары» ЖЧКсынын директору, Бишкек шаардык кеңешинин депутаты Наргиза Жолдошбаева кармалды. Бул тууралуу УКМКнын басма сөз …
Битумду жогорулатылган баада сатып алуу фактысы боюнча «БАС» муниципалдык ишканасынын кызмат адамы жана жеткирүүчү фирманын …
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бүгүн, 26-апрелде «Бүтүн Кыргызстан» фракциясынын лидери, депутат Адахан Мадумаров камактан чыкты. 26-мартта Бишкектин Биринчи Май …
Бишкек шаарындагы 996,18 чарчы метр аянттагы, суммасы 127 млн сомду түзгөн 12 даана кыймылсыз мүлк …
