Түркмөнстандын баш калаасы Ашхабад шаарында кайрадан VPN орноткон жарандар кармалып, айрымдары 15 суткага камакка алынууда. Бул тууралуу «Азаттык» радиосунун түркмөн кызматы өз булактарына таянып кабарлады.
Маалыматка караганда, өлкөдө бөгөттөлгөн сайттарга кирүүгө мүмкүндүк берген программаларды орнотуу кызматын көрсөткөндөр аз жана алар көмүскө иштешет.
«Алар канчалык сактанбасын, укук коргоо кызматкерлери айрымдарын таап алууда. 3-октябрда мындай кызмат көрсөткөндөрдүн бири кармалып, 15 суткага камалды. Мындан тышкары ага 15 миң манат өлчөмүндө айып пул да салынды», – деди редакциянын булагы.
Анын айтымында, өлкөдө VPN колдонгон жарандарга да кысым күчөп жатат. Акыркы кездери системалуу түрдө мамлекеттик кызматкерлер менен студенттердин телефондору текшерилүүдө. Жогорку окуу жайлардын мугалимдеринен социалдык түйүндөргө кирбей тургандыктары жөнүндө тилкат жаздырып алышууда.
Түркмөнстан басма сөз жана интернет эркиндиги боюнча эл аралык уюмдар түзгөн рейтингдерде дайыма акыркы орундарга жайгашып келет. Интернети дүйнөдө эң жай жана кымбат деп эсептелген Түркмөнстан 2022-жылы бөгөттөлгөн сайттардын саны боюнча алдыңкы он өлкөнүн катарына кирген.
Түркмөнстанда көптөгөн жылдардан бери көз карандысыз басылмалардын сайттары, Facebook, Instagram, Twitter социалдык түйүндөрү, ошондой эле YouTube-сервиси бөгөттөлүү. Быйыл апрелде өлкөдө ICQ мессенжери да бөгөттөлгөн.
Кызмат өтөө шарттарынын оордугунан улам Түркмөнстандын Куралдуу күчтөрүнөн офицерлердин жапырт кетүүсү байкалууда. Бул тууралуу «Азаттык» …
Түркмөнстандын Балкан облусундагы бир нече мамлекеттик ишкананын жумушчулары 4-5 айдан бери маяналарын ала элек. Бул …
Түркмөнстандын баш калаасы Ашхабад шаарындагы инфекциялык ооруканаларда кызылча (корь) менен ооруган балдар көбөйүүдө. Бул тууралуу …
Түркмөнстандын Балкан облусунда 25ке жакын адам түз эле аэропорттон аскерге чакырылды. Алар Орусиянын Саратов мамлекеттик …
Түркмөн бийлиги калкты пахта терүүгө мажбурлоо чараларын болуп көрбөгөндөй катаалдатты. Мары облусунда жол эрежесин бузгандар, …
Шаршемби күнү Түркмөнстанда күчү 5,3 баллга жеткен жер титирөө болду. Бул тууралуу Reuters агенттиги Германиянын …
