Ашхабадда тургундар нан сатып алуу үчүн мамлекеттик дүкөндөрдүн ачылышына эки саат калганда — түнкү саат үчтө эле чогулуп, кезекке туруп жатышат.
«Азаттыктын» түркмөн кызматынын редакциясына келип түшкөн видеолордон кеминде жүздөгөн адамдан турган кезектерди көрүүгө болот. Алардын арасында чоңдор менен катар балдар да бар. Алар караңгыда дүкөндүн кире бериштеринде түртүшүп, нааразы болуп, өз ара чырдашканга чейин барган учурлар да болууда.
Дүкөндөдүн көбүнүн алдында тартипти көзөмөлдөө үчүн полиция кызматкерлери да коюлган.
«Адамдар ачка кезде полиция деле эч кандай жардам бербейт экен. Ачкалык адамдарды кезекке турууга аргасыз кылууда. Андагы тыгылыштан жабыркагандар да болот. Көбүнчө алар жеңил жарааттарды алышат», — деп билдирди «Азаттыктын» кабарчысы.
Анын айтымында, нан тартыштыгы жана дүкөндөрдүн алдындагы кезектер жаңы жылдык майрамдардан кийин күчөгөн.
Түркмөнстандагы мамлекеттик дүкөндөрдө нан 0,6 манаттан (0,03 доллар) жана ар бир кишиге үчтөн гана сатылат. Башка дүкөндөрдө нандын баасы 4 манатка (0,2 доллар) чейин жетет.
Түркмөнстандын мурдагы президенти Гурбангулы Бердымухамедовдун жээни Шамурад Режепов Ашхабаддагы барлардын биринин кардарларын жана кызматкерин сабап …
Ашхабад шаарынын Хитровка районунда 15-мартка караган түнү бир үй-бүлө киши колдуу болду. Жубайлар жана алардын …
Ашхабад бийлиги шаардагы таксисттер үчүн жаңы эрежелерди киргизип, көзөмөлдү күчөттү. Транспорттук түзүмдөрдүн өкүлдөрүнүн катышуусунда өткөн …
Түркмөнстандын мамлекеттик дүкөндөрүндө ун жана нан тартыштыгына байланыштуу абал начарлагандан бери Ашхабад бийлиги нан сатууга …
Түркмөнстанда ун жана нан тартыш болуп жаткан маалда Ашхабадда ондогон наабайкана өз ишин токтотууга аргасыз …
Ашхабаддагы өлүкканага күн сайын коронавирустан өлгөн жүздөгөн кишинин сөөгү жеткирилүүдө. Бул тууралуу «Азаттыктын» түркмөн кызматы …
