• Ишенби 21 Бугу 2022
  • Суббота 21 Май 2022

Таксисттер үчүн жаңы эрежелер киргизилди

11 мая 2022 в 11:23 Бишкек Govori.TV

Ашхабад бийлиги шаардагы таксисттер үчүн жаңы эрежелерди киргизип, көзөмөлдү күчөттү.

Транспорттук түзүмдөрдүн өкүлдөрүнүн катышуусунда өткөн атайын жыйында шаардагы таксилердин ишин жөнгө сала турган жаңы талаптар айтылды. Ага караганда, транспорттук каражаттардын ылдамдыгы саатына 70 чакырымдан ашпоого тийиш; салондо үчтөн ашык киши отура албайт; алдыңкы орунга аялдарды отургузууга тыюу салынат; тыюу салынган белгилердин жанында жүргүнчү алууга болбойт.

Аялдарга алдыңкы жүргүнчү орунга отурууга тыюу салынганы апрелдин аягында маалым болгон. Биринчидерден болуп мындай чектөөгө Балкан облусунун жашоочулары кабылган. “Азаттыктын” түркмөн кызматы билдиргендей, эрежелерди бузгандар ири өлчөмдө айып пулга жыгылат.

Бул арада көмүскө такси айдаган айдоочуларга каршы чара күчөтүлдү. Алардын унаасы айып пул төлөөчү жайга жеткирилет. Мындан тышкары айдоочулар 15 суткага камакка алынат.

Количество просмотров: 7469