Нарын облусунун Ат-Башы районундагы Ат-Башы айылында күн мурун саат 15:00 чамасында чыгыштан-батышка ылдамдыгы секундасына 16-19 метрге чейин жеткен катуу шамал катталган.
ӨКМден билдиришкендей, анын кесепетинен Ат-Башы айылынын Абыкеев көчөсүндө жайгашкан көп батирлүү турак үйдүн 150 чарчы метр тунике менен жабылган чатырын учуруп кеткен.
Жерине райондук Жарандык коргонуу комиссиясы тартылып, тактоо иш-чараларын жүргүзүүдө.
