Чүйдө мыкаачылык менен өлтүрүлгөн аялдын окуясы боюнча шектүү Орусиянын Ханты-Мансийск шаарында кармалды. Бул тууралуу Чүй ОИИБден билдиришти.
Милициянын маалыматы боюнча, 14-октябрда Сокулук районунда жайгашкан БЧК суусунан зомбулуктан каза болгон адамдын сөөгү табылган. Издөө иштеринин жүрүшүндө агымдын жогору жагынан, башкача айтканда Бишкектин аймагынан сөөктүн калган бөлүктөрү табылган.
15-октябрда аталган факты боюнча райондук ички иштер бөлүмүндө КР Кылмыш-жаза кодексинин 122-беренесинин («Адам өлтүрүү») негизинде кылмыш иши козголгон.
Ошентип, табылган сөөк аялга таандык экени аныкталып, бирок жансыз дененин бузула баштаганына байланыштуу аялдын өздүгү белгисиз бойдон калган.
Белгиленгендей, коомдук резонанс жараткан өзгөчө оор кылмыштын бетин ачуу үчүн эң тажрыйбалуу ыкчам кызматкерлер жана тергөөчүлөр тартылган.
Кийин өлтүрүлгөн аялдын өздүгү такталган, ал 1974-жылы туулган, учурда Аламүдүн районунун Пригородное айылында жашаган Х.М. болуп чыккан. Иликтөө иштеринин жүрүшүндө Х.М.ны өлтүрүүгө анын күйөөсү 1968-жылы туулган А.И.нин катыштыгы бар экени аныкталган. Шектүү кылмыш жасагандан кийин Россияга кетип калганына байланыштуу ага байланыштуу издөө жарыяланган.
2022-жылдын 25-ноябрында жөнөтүлгөн багыттамага ылайык, Россиянын Ички иштер министрлигинин Ханты-Мансийск шаарындагы кызматкерлери тарабынан А.И. кармалып, камакка алынган. Учурда аны Россиядан Кыргызстанга экстрадициялоо маселеси каралып жатат жана кылмыш иши боюнча тергөө амалдары уланууда.
Баңгизатты коңшу мамлекеттерге жеткирүү боюнча эл аралык канал уюштурган шектүү кармалды. Бул тууралуу УКМКнын маалымат …
Бишкек шаарындагы мектеп жана бала бакчалардын директорлорунан акча талап кылган Эсептөө палатасынын дагы бир мамлекеттик …
Бишкек шаардык ички иштер башкы башкармалыгынын ыкчам кызматкерлери тарабынан мурда издөөдө жүргөн чет мамлекеттин жараны …
Бишкек шаарында уюшкан кылмыштуу топтун мүчөсү жергиликтүү тургундан опузалап акча алгандыгы үчүн кармалды. Бул тууралуу …
Ички иштер министрлигинин кызматкерлери Жаза аткаруу кызматы менен бирге абак жайларында текшерүү жүргүзүп, кара куурай баңгизаттарды …
Charge fast (тез заряд) пирамидасын уюштурууга шектүү жаран эки айга тергөө абагына камалды. Чечимди 9-мартта …
