Борбор Азиядагы жана башка мурдагы советтик өлкөлөргө салыштырганда Кыргызстанда сөз эркиндиги жогору. Мындай пикирин Жогорку Кеңештин төрагасы Нурланбек Шакиев «Жалпыга маалымдоо каражаттары жөнүндө» мыйзам долбоорун талкуулаган жыйында билдирди.
“Азыр колдонулуп жаткан “Жалпыга маалымдоо каражаттары жөнүндөгү” мыйзам 1992-жылы кабыл алынган. Андан бери 30 жылдан ашуун убакыт өттү. Мыйзам ошол учурдун, ошол доордун талаптарына жооп бергени менен азыркы шартка ылайык келбей калгандыгы жашыруун эмес. Себеби ал мезгилде азыркыдай интернет тармагы өнүккөн эмес, бүгүнкүдөй технологиялык мүмкүнчүлүктөр жок болчу. Андыктан, азыркы шартты, азыркы талапты эске алып, колдонуудагы мыйзамды өзгөртүшүбүз зарыл. Биздеги сөз эркиндигинин деңгээли коңшу өлкөлөргө, ал тургай дүйнөнүн көптөгөн мамлекеттерине салыштырмалуу өтө жогору. Бирок жоопкерчилик жагы көп каралбай келет. Кээде жеке адамдын аброюна шек келтирген, жалган маалыматтар таратылган учурлар кездешет. Адам укугу бекем сакталган, демократиялык өлкөлөрдүн жетекчилери жана эл аралык уюмдардын өкүлдөрү менен өткөрүлгөн жолугушууларда сөз эркиндигине байланыштуу сүйлөшүп калабыз. Байкаганымдай, аларда сөз эркиндиги менен катар ага карата жоопкерчилик да бар экени эске алынат. Андыктан, жаңы мыйзам долбоорун иштеп чыгууда бул жааттагы эл аралык тажрыйбага да көңүл бурушубуз кажет”, – деди ал.
Бүгүн ЖК жалпы жыйынында төрага Нурланбек Тургунбек уулу Бишкек шаарындагы тейлөө кызматында баалар өтө эле …
Жогорку Кеңештин төрагасы Нурланбек Шакиев Азербайжандын президенти Ильхам Алиев менен жолугушту. Бул тууралуу парламенттин басма …
Жогорку Кеңештин төрагасы Нурланбек Шакиев Монголияга расмий сапар менен жөнөп кетти. Бул тууралуу парламенттин маалымат …
Бүгүн, 25-мартта Жогорку Кеңештин төрагасы Нурланбек Шакиев Бириккен Улуттар уюмунун (БУУ) Кыргызстандагы туруктуу координатору Антье …
Жогорку Кеңештин төрагасы Нурланбек Шакиев Билим берүү жана илим тармагында эки министрлик түзүүнү сунуштады. Бул …
Жогорку Кеңештин төрагасы Нурланбек шакиев 2024-жылы күз айларында иш сапары менен Японияга барат. Бул тууралуу …
