Министрлер кабинетинин төрагасынын орун басары Эдил Байсалов 18-майга караган түнү болуп өткөн окуяга байланыштуу Кыргызстан эл аралык университетинин Медицина факультетинин жатаканасына барды. Бул тууралуу өкмөттүн басма сөз кызматы билдирди.
Эдил Байсалов чогулган чет элдик студенттерге жана мугалимдерге айрым бейбаштар тарабынан жасалган иштер үчүн кечирим сураган сөздөр менен кайрылды.
“Кээ бир жеке адамдардын бул аракеттери биздин меймандостук маданиятка жана салтка эч кандай тиешеси жок. Элибиз эзелтеден бери алыстан келген конокторго өзгөчө урмат-сый, камкордук менен мамиле кылып келген. Биз аларды “мусапыр” деп атайбыз. Урду тилинде да ушундай сөз бар экенин билем жана бул биздин элдерибиздин жакындыгынын көрсөткүчү. Биздин өлкөдө чет өлкөлүк студенттерге зор тилектештик менен мамиле кылынат, алар элдердин ортосундагы достукту бекемдөө үчүн көпүрө болуп саналат. Албетте социалдык тармактарда көптөгөн жалган маалыматтар бар экенин түшүнөбүз. Сиздердин ата-энеңиздер, жакындарыңыздар Кыргызстанда жашоо коопсуз экенин билиши керек, сиздердин бакубат жашооңуздар үчүн толук жоопкерчилик бийликте. Бир түндө болгон окуялар элибиздин сиздерге болгон мамилесин чагылдырбайт. Укук коргоо органдары окуянын бардык жагдайларын тыкыр иликтөөдө жана күнөөлүүлөрдүн баарын сөзсүз жоопко тартат”, — деди ал.
Ошондой эле МинКаб Төрагасынын орун басары чет элдик студенттерди кызыктырган суроолорго жооп берип, жатакананын бөлмөлөрүн көрүп чыкты.
Улуттук банк 15-майга карата чет элдик валюталардын сомго карата расмий курсун жарыялады. Коммерциялык банктарда доллар …
Эдил Байсалов Дональд Трамптын Палестинаны көчүрүү сунушун айыптады. Бул тууралуу минкабтын аппаратынын басма сөз кызматы …
Кечээ Кыргыз Республикасынын АКШдагы жана Канададагы элчиси Бакыт Аманбаев АКШнын мамлекеттик катчысынын Борбордук жана Түштүк …
КР Министрлер Кабинетинин төрагасынын орун басары Эдил Байсалов БУУнун мүмкүнчүлүгү чектелген адамдардын укуктары боюнча атайын …
Министрлер Кабинетинин Төрагасынын орун басары Эдил Байсалов Дүйнөлүк банктын Кыргызстанда жасаган мониторинги тууралуу өзүнүн фейсбук …
Чүй облусунун ички иштер башкы башкармалыгы 18-майга караган түнү Аламүдүн айылынын Курманжан Датка көчөсүндөгү тигүү …
