Министрлер кабинетинин төрагасынын орун басары Эдил Байсалов Беларуста баш калкалап жүргөн мурдагы президент Курманбек Бакиевдин айланасындагы окуялар боюнча пикири менен бөлүштү.
Эдил Байсалов соцтармакта жазган билдирүүсүндө айрым депутаттарынын Курманбек Бакиевден интервью алган журналист Кадыр Кошалиевге чара көрүү боюнча талаптарына жооп берген.
“Биринчиден Кыргызстанда сөз эркиндиги бар экенин жана журналист кимден маек алгысы келерин өзү чечет. Экинчиден, жаран катары Курманбек Бакиев өз кызыкчыкчылыгын жана укугун коргоого укугу бар. Бул кылмыш иши боюнча сотто же өлкөнү башкарган учурдагы ишине тарыхый баа берүү үчүн коом алдындагы жоопкерчилиги болушу мүмкүн. Үчүнчүдөн, азыркы жетекчиликтин позициясы – элди консолидациялоо, улуттук консенсуска жетүү. Экс-президенттер кандай болбосун, биздин тарыхтын бир бөлүгү. Жогорку Кеңештин депутаттары бөлүп-жаруу ордуна бул саясатты колдосо болмок”, -деп жазган Байсалов.
Мне не совсем понятна постановка вопроса уважаемыми депутатами. При чем тут Администрация? 1) В нашей стране есть свобода слова. Журналист имеет право брать интервью, у кого он посчитает нужным, тем более, что судя по просмотрам — интерес к вопросу высок, тема востребована 1/3 https://t.co/lfEjQfnxji
— Edil Baisalov (@baisalov) May 18, 2023
Кыргызстандын мурунку президенти Курманбек Бакиевдин жакында жарык көргөн маеги коомчулукта бир катар талкууларды жаратууда. Маекти Элдик курултайдын Аксакалдар кеңешинин төрагасы Кадыр Кошалиев алган.
Бакиев маегинде өзү бийликте тургандагы өлкө экономикасы, өндүрүштүн абалы тууралуу айтып, кандуу окуяларга байланышы, ага карата чыккан сот өкүмү, ал президент болуп турган мезгилде орун алган буюртма адам өлтүрүүлөр жөнүндө суроолорго жооп берген.
Талкуулардан соң УТРК Кадыр Кошалиев мурдагы президенттен маек алуу боюнча каналдын жетекчилигине эч кандай маалымат бербегенин кабарлаган.
2010-жылы 7-апрелде Курманбек Бакиевдин үй-бүлөлүк башкаруу режимине каршы чыккандарга Ала-Тоо аянтында ок атылып, 80ден ашуун киши каза болгон. Курманбек Бакиевге карата 2010-жылдын 7-апрелиндеги окуялар жана башка иштер боюнча сыртынан сот өкүмү чыгып, 30 жылга эркиндигинен ажыратылган.
Германия Федеративдүү Республикасынын Кыргызстандагы Атайын жана Толук Ыйгарым укуктуу Элчи айым д-р Габриэла Геллил «Govori.TV» …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Кыргыз Республикасынын Министрлер Кабинетинин Төрагасынын орун басары Эдил Байсалов Кыргыз Республикасынын Тышкы иштер министрлигинин түзүлгөндүгүнүн …
«Чет элдик өкүл» жөнүндөгү мыйзам жарандык коомдун ишмердүүлүгүнө эч кандай коркунуч туудурбайт. Бул тууралуу Министрлер …
Президент Садыр Жапаров «Кабар» агенттигине кезектеги кыскача маегин куруп, анда Кемпир-Абад ишине айланыштуу камактагы саясатчылардын …
Министрлер кабинетинин төрагасынын орун басары Эдил Байсалов Түрк маданияты жана мурасы фондунун жаңы президенти Актоты …
