Мамлекеттик каттоо кызматынын Калкты каттоо жана жарандык абалдын актыларын каттоо департаменти активист жана феминист Алтын Капаловага каршы сотко кайрылды. Бул тууралуу ал социалдык тармактарда билдирди.
Анын айтымында, сот ишине анын балдарына атасынын фамилиясын эмес, энесинин атын (матроним) берип, фамилиясын өзгөртүп бергендиги себеп болгон.
Биринчи соттук отуруму эртең, 25-февралда Свердлов райондук сотунда болот.
“Мамлекет эл аралык келишимдердин гендердик теңчилик жана аялдарга карата басмырлоонун бардык түрүнө каршы күрөшүү эрежелерин сакташы керек. Мыйзамда энелер аталардыкындай эле укуктарга ээ, балдар менден сотко кайрылгандын ордуна, эки, үч эсе фамилия же апамдын фамилияларын алышы мүмкүн деп жазылышы керек. Мен мыйзамды бузган жокмун, патриархалдык негиздерди буздум. Мени мамлекет тарабынан куугунтуктоону токтотууну суранам», — деп жазган ал.
Буга чейин, Алтын Капалова балдарына өзүнүн фамилиясын бергендигин, буга чейин алардын биологиялык атасын ата-энелик укуктарынан ажырагандыгын айткан.
Ал эми Мамлекеттик каттоо кызматы түшүндүрмө берип, кайра каттоону жокко чыгаруу жөнүндө чечимди сот гана чыгарарын айтышкан. «Мындан тышкары, мыйзамда балдарга апасынын ысымын берген ченем жок. Балага биологиялык атасынын, же асырап алуучунун, же өгөй атасынын гана аты берилиши мүмкүн. Ата-энелик укуктан ажыратуу дагы баланы матроним аркылуу каттоого негиз боло албайт», — деп айтылат маалыматта.
Кошумчалагандай, бул иште кайра каттоо менен алектенген кызматкер күнөөлүү. Ал дисциплинардык жазага тартылат.
