• Шаршемби 2 Бештин айы 2020

Баткен: Чек арада кайрадан чыр чыкты

25 октября 2020 в 20:24 Бишкек Govori.TV

Кыргыз-тажик чек арасында кайрадан чыр чыкты. Бул тууралуу Мамлекеттик чек ара кызматы кабарлады.

Маалыматка ылайык, бүгүн, 25-октябрда, саат 16:45 чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан. Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушкан.

“Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат”,-деп айтылат маалыматта.

Учурда абал туруктуу экени айтылат.

Количество просмотров: 371