Баткен облусунда күчү 2,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирди.
КР Сейсмология институтунун маалыматына ылайык,15-сентябрда саат 11:38де Баткен облусунун аймагында очогунда күчү 2,5 баллга жеткен жер титирөө катталган.
Ушул эле күнү саат 17:24тө Жалал-Абад облусунун аймагында очогунда күчү 3,5 баллга жеткен жер титирөө катталган. Жер титирөө Ноокен районунун Кочкор-Ата шаарында 2 баллга чейин сезилген.
Жер титирөөдөн жабыркагандар жана кыйроолор катталган жок.