Баткен облусунун Кадамжай районунда мөндүр аралаш жааган жаандын кесепетинен кокту-колоттон сел суусу агып түштү. Бул тууралуу Өзгөчө кырдаалдар министрлигинен кабарлашты.
Мекеменин басма сөз кызматынын маалыматына караганда, 18-май күнү саат 13:30 чамасында райондук милициянын имаратынын жертөлөсүнө жана Өрткө каршы куткаруу бөлүмүнүн короосуна суу кирген.
Тазалоо иштерине 6 куткаруучу тартылып, учурда сууну атайын жабдык менен тарттыруу иштери жүргүзүлүп жатат.