«Кыргызтелекомдун» директорлор кеңешинин төрайымы Маралбү Бианки Камчыбек Ташиевдин жээни Замир Кожомуратов иштен алынгандан кийин басым-кысым көбөйгөнүн айтып чыкты. Ал буга байланыштуу Мамлекеттик мүлк фонду менен Улуттук коопсуздук комитетин айыптады.
Бианкинин айтымында, Кожомуратов «Кыргызтелекомдун» директорлор кеңешинин вици-президенти кызматынан май айында «тажрыйбасы жетишсиз, кесипкөй эмес» жана «жумушка ар кандай себептерден улам көп келбейт» деген жүйө менен алынган. Бианки ошондон бери ар кандай басым башталганын, Кожомуратовду иштен алуу тууралуу чечимди өзгөртүүнү талап кылышкан билдирди.
Ишкананын директорлор кеңешинин дагы бир мүчөсү Улукбек Самыйбеков Ташиевдин жээни кызматка алып жатканда эле анын кесипкөйлүгү тууралуу суроо жаралганын, ал сыноо мөөнөтү менен алынганын айтты.
«Директорлор кеңешинин ошол кездеги башчысы «Кожомуратовдун талапкерлигин колдоп койгула, ал өлкө жетекчилиги менен макулдашылган» деп айткан. Биз аны сыноо мөөнөтү менен алганбыз. Бирок бир алты айдан бери анын кесипкөйлүгүн көрө алган жокпуз. Директорлор кеңешинин бир мүчөсүнүн келишими аяктагандан кийин биз дароо үч адамдын ыйгарым укугун токтотуу тууралуу чечим кабыл алганбыз».
Самыйбеков Замир Кожомуратов 24-майдан тартып иштен алынса деле ай сайын 114 миң сом айлыгын алып, кызматтык унаасын колдонуп, ага ай сайын 250 литр май жаздырып алып жатканын айтты.
Кожомуратов буга байланыштуу үн ката элек. УКМК өткөн аптада Ташиевдин жээнине байланыштуу басым-кысым болгонун четке каккан.
Замир Кожомуратов бул кызматка былтыр декабрда Мамлекеттик мүлк фондунун сунушу менен дайындалган. Аталган фонд бул жагдай тууралуу комментарий бере элек.
Улуттук коопсуздук боюнча мамлекеттик комитеттин төрагасы Камчыбек Ташиев Жогорку Кеңешти мыйзамсыз иштерге аралашкан депутаттардан “тазалоо” …
Бүгүн Кыргыз футбол биримдигинин президенти Камчыбек Ташиев Жалал-Абад шаарындагы «Барселона» футбол академиясына барды. Бул тууралуу …
УКМК төрагасы Камчыбек Ташиев камактагы мурдагы бажычы Райымбек Матраимовдон 200 млн доллардай каражат алынарын билдирди. …
Министрлер кабинетинин төрагасынын орун басары, КР футбол биримдигинин президенти Камчыбек Ташиев бүгүн Орок айылындагы жаңы …
УКМК төрагасы Камчыбек Ташиев «7-каналга» кыскача маек куруп, анда өлкөдө коррупцияга каршы жүргүзүлүп жаткан иштер …
УКМК төрагасы Камчыбек Ташиев «7-каналга» кыскача маек куруп, анда өлкөдө коррупцияга каршы жүргүзүлүп жаткан иштер …
