Бүгүн, 11-июндагы Жогорку Кеңештин жыйынында «2025-жылдын 22-апрелинде Вашингтон шаарында кол коюлган Кыргыз Республикасы менен Ислам өнүктүрүү банкынын ортосундагы «Кыргыз Республикасындагы бардык балдар үчүн инклюзивдик окутуунун мүмкүнчүлүктөрүнө жеткиликтүүлүктү жана анын сапатын жакшыртуу боюнча ИӨБ/ИӨТФ/БМГӨ Smart-Ed биргелешкен долбоору» боюнча макулдашууларды ратификациялоо жөнүндө» мыйзам долбоору биринчи окууда каралды.
Мыйзам долбоору менен Агартуу министринин орун басары Надира Жусупбекова тааныштырды.
Ал инклюзивдик сапаттуу билим берүүнүн инфраструктурасына жеткиликтүүлүктү жакшыртууга, инклюзивдик билим берүүнү киргизүү үчүн системанын потенциалын бекемдөөгө, мугалимдерди даярдоого жана кайра даярдоого жана аларды жеке ноутбуктар менен камсыздоого, ошондой эле Кыргыз Республикасындагы бардык балдар үчүн инклюзивдик окутуу мүмкүнчүлүктөрүнө жана анын сапатына жетүүнү жакшыртуу максатында улуттук компоненттин окуу-методикалык комплекстерин жаңылоого жана аларды нускалоого багытталган.
Долбоордун жалпы суммасы 25,25 млн АКШ долларын түзөт, пайыздык чен — 1,5 %, каржылоо мөөнөтү 25 жыл, анын ичинен 7 жыл жеңилдетилген мезгил.
Жыйында кесиптештеринин суроо-жоопту токтотуу сунушуна нааразы болгон депутат Эрулан Көкүлов сөз алып министрликтин дарегине сын айтты. Ал Билим берүү министрлигин алган насыялар жана гранттар кайда кетип жатканы боюнча суроо салды.
Вице-спикер Нурбек Сыдыгалиев Надир Жусупбековага кат жүзүндө жооп берүүнү суранып депутатка азыр жооп берүүнүн кажети жок экенин айтты.
Президент Садыр Жапаров 18-июнда Чолпон-Ата шаарында Түркиянын Улуу Улуттук Жыйынынын депутаты, Адилеттүүлүк жана өнүгүү партиясынын …
ЖК жыйынында депутат Исманалы Жороев шайлоодон кийин кызмат бөлүштүрүү маселеси ошол кездеги спикер Нурланбек Тургунбек …
Бүгүн, 20-майда Жогорку кеңештин жалпы жыйынында №20 округдан депутат болуп келген Максат Алымбеков ант берди. …
Бишкек шаарындагы жолдор талапка жооп бербей турганын акыркы нөшөр жаан көрсөткөнүн Жогорку Кеңештин депутаты Улукбек …
Жогорку Кеңештин жыйынында депутат Исманали Жороев Камчы Асанбектин өлүмүнөн кийин анын канча мүлкү мамлекеттин карамагына …
Жогорку Кеңештин депутаты Медербек Саккараев жыйын учурунда айрым жогорку окуу жайларын Токмок шаарына көчүрүү демилгесин …
