Кыргызстанда дагы 665 адам коронавирустан (пневмонияны эсепке алганда) айыгып чыкты. Бул тууралуу өкмөт үйүндөгү маалымат жыйынында коомдук саламаттык сактоо башкармалыгынын башчысы Айнура Акматова билдирди.
«Бишкек шаарында 142 киши, Ош шаарында – 83, Чүй облусунда – 51, Ош облусунда – 84, Талас облусунда – 40, Нарын облусунда – 19, Ысык-Көл облусунда – 91, Жалал-Абад облусунда – 89, Баткен облусунда 66 бейтап коронавирустан айыкты»,-деди Акматова.
Кошумчалай кетсек, Кыргызстанда коронавирустан (пневмонияны эсепке алганда) айыгып чыккандардын жалпы саны 30 миң 764кө жетти.