Быйыл май айында Ташкентте өтчү бокс боюнча эркектер арасындагы дүйнөлүк чемпионатка АКШ, Канада, Чехия, Ирландия жана Швециянын спортчулары бойкот жарыялашты.
Буга орусиялык жана беларустук спортчулардын өз өлкөлөрүнүн желектери жана гимни менен мелдешке чыгышы себеп болду. Чемпионат 1-14-майга пландалган.
Kun.uz сайты бойкотко Эл аралык бокс федерациясынын (IBA) президенти Умар Кремлёвдун орус президенти Владимир Путинге жакындыгы жана анын уюму «Газпромго» көз каранды экени да себеп болгонун жазды.
Бойкот жарыялаган өлкөлөр Украинага басып киргени жана согушту колдогону үчүн Орусия менен Беларусту ар кандай мелдештерден четтетүүнү талап кылып келет.
Орусиянын “Газпром” ишканасынын демөөрчүлүгү менен Ташкентте өткөрүлө турган бокс чемпионатынын байге фонду 5,2 миллион долларды түзөт (биринчи орунга 200 миң доллар, экинчи орунга 100 миң доллар, үчүнчү орунга 50 миң доллар).
Эл аралык олимпиада комитети 2023-жылдын 2-февралында Орусия менен Беларуска каршы санкцияларга кошулган жана бул өлкөлөрдүн желектерин, гимндерин спорттук мелдештерде колдонууга тыюу салынган. Мындай чечимге көптөгөн украиналык мушкерлер жана машыктыруучулардын Орусия баштаган согушта набыт кеткени себеп болгон.
Булак: centralasian.org
Ташкенттин Сергели районунда 1-класстын окуучуларынын колдоруна ийне сайганы аныкталган мугалим иштен алынды. Бул тууралуу Өзбекстандын …
Ташкентте 15-апрелде «Борбор Азия – Булуңдагы араб мамлекеттеринин кызматташтык кеңеши» стратегиялык диалогунун тышкы иштер министрлеринин …
Ташкенттин Чиланзар районундагы Бөрүжар каналына үч киши чөгүп кетти. Бул тууралуу жергиликтүү Renessans TV телеканалы …
28-мартта Ташкентте катуу шамал болду. Ал жакта болсо Бишкек менен Алматыдагыдай күчтүү болгон жок. Анын …
Ташкентте сот 12 жаштагы окуучуну зордуктоого аракет кылган деп айыпталган 67 жаштагы музыка мугалимине карата …
КРнын Акыйкатчысы (Омбудсмен) Жамиля Жаманбаева Ташкент (Өзбекстан) шаарында өткөн “Адам укугун камсыз кылуу – мамлекеттин …
