Кыргызстанда бир суткада коронавирус 73 адамдан табылды. Бул тууралуу Республикалык штабдан билдиришти.
Маалыматка ылайык, Бишкекте – 58, Чүй облусунда — 1, Ош облусунда– 2, Ысык-Көл облусунда –7, Жалал-Абад облусунда — 5 кишиден илдет табылган.
Ал эми бир сутка ичинде 38 адам коронавирустан айыгып чыккан. Алсак, Бишкекте – 20, Ош шаарында — 1, Чүй облусунда – 11, Ош облусунда – 3 жана Ысык-Көл облусунда – 3 киши айыкты.
Сутка ичинде COVID-19 илдетинен каза болгонгдор катталган жок.
Бүгүнкү күнү стационарларда коронавирустан 446 бейтап, амбулатордук түрдө 360 адам дарыланууда.
Штабдан билдиришкендей, бир сутка ичинде өлкө боюнча 1 медициналык кызматкер коронавирус жуктуруп алганы аныкталды. Пандемия башталгандан бери 4 миң 220 медицина кызматкери коронавирус жуктуруп алган, алардын ичинен 4 миң 195 медкызматкер айыгып чыкты», — деп билдирет штаб.
Кыргызстанда пандемия башталгандан бери 87 миң 462 адам коронавирус жуктурган. Алардын ичинен 84 миң 223 киши айыгып чыкса, 1 миң 490 адам каза болду.
