Бишкек — Ош унаа жолунда 13 жерден атайылап кар көчкү түшүрүлдү. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, республиканын бийик тоолуу райондорунда катуу жааган жаандын кесепетинен жана күтүлүп жаткан жаан-чачынга байланыштуу Бишкек – Ош унаа жолунун Төө-Ашуу ашуусунун 121-138 жана Ала-Бел ашуусунун Чычкан капчыгайынын 198-255-чакырымдарында кар көчкү жүрүү коркунучу жаралган.
«Табигый кырсыктын алдын алуу максатында, ӨКМдин ыкчам тобу жана Коргоо министрлигинин артиллериялык эсеби 12-марттан бери кооптуу делген 13 тилкеден атайылап снаряд атып, жалпысынан 20 кар көчкү түшүрүлдү.
Атайылап карды түшүрүү 5 күн ичинде Ала-Бел ашуусунун Чычкан капчыгайынын 198-255-чакырымдарында жүргүзүлүп, жалпысынан 701 250 м3 көлөмдөгү кар көчкү түшүрүлгөн», — деп айтылат маалыматта.
Атайылап кар көчкү түшүрүү иши эртең да уланып, Бишкек – Ош унаа жолунун Төө-Ашуу ашуусунун 121-138-чакырымынын түндүк жана түштүк тарабында жүрөт.
Ал эми түшүрүлгөн карды дароо жол тейлөө ишканасынан 1 жүктөгүч, 1 грейдер тартылып, тазалоо иштерин жүргүзүүдө
ӨКМ жарандарга атайылап карды түшүрүү ишин түшүнүү менен кабыл алып, алыскы жолго чыгуу алдында унааңызда дөнгөлөк чынжыры, жылуу кийим, дары-дармек, жетиштүү тамак-аш алууну унутпоону эскертет.
Кырсык катталган учурда 112 номерине кайрылыңыз. Чалуу акысыз жана күнү-түнү иштейт.
Нарын дарыясына агып кеткен 6 жаштагы бала изделүүдө. Бул тууралуу ӨКМ кабарлады. Таш-Көмүр шаарына караштуу …
Өлкө аймагында акыркы сутка ичинде 2 өрт кырсыгы катталды. Бул тууралуу Өзгөчө кырдаалдар министрлигинен билдиришти. …
Өлкө аймагында сел жүрүү коркунучу жогору бойдон калууда. Бул тууралуу Өзгөчө кырдаалдар министрлигинен билдиришти. Маалыматка …
ӨКМдин кызматкерлери адам өмүрүн сактап калышты. Бул тууралуу аталган министрликтин маалымат кызматы кабарлады. Маалыматка ылайык, …
Нарында жер силкинди. Бул тууралуу ӨКМ кабарлады. Сейсмология институтунун маалыматына ылайык, түнкү саат 2:29да Кыргызсандын …
Баткенде үйдө бекилип калган 2 жаштагы наристе куткарылды. Бул тууралуу ӨКМ кабарлады. Маалыматка ылайык, 12-апрель …
