Президент Садыр Жапаров «Кыргыз Республикасынын Бишкек, Ош жана Токмок шаардык кеңештеринин депутаттарын кайталап шайлоону дайындоо жөнүндө» жарлыкка кол койду. Бул маалыматты басма сөз кызматы бүгүн, 28-майда билдирди.
11-апрелде Бишкек, Ош жана Токмок шаардык кеңештеринин депутаттарын шайлоо өтүп, бирок анын жыйынтыгы жараксыз деп табылган.
«Кыргыз Республикасынын Бишкек, Ош жана Токмок шаардык кеңештеринин депутаттарын кайталап шайлоо жекшембиге — 2021-жылдын 11-июлуна дайындалсын.
Шайлоо жана референдум өткөрүү боюнча борбордук комиссия жергиликтүү өз алдынча башкаруунун жогоруда аталган өкүлчүлүктүү органдарына шайлоону Кыргыз Республикасынын мыйзамдарына ылайык өткөрүүнү уюштурсун», — деп айтылат жарлыкта.