Бишкек шаардык соту президенттин аппаратынын мурдагы башчысы Данияр Нарымбаевди камакта калтырды.
Сот мындай чечимди бүгүн, 11-августта Нарымбаевдин адвокатынын апелляциялык арызын карагандан кийин чыгарды.
Буга чейин Биринчи май райондук соту Нарымбаевди 30-сентябрга чейин абакта калтырган. 9-июнда Улуттук коопсуздук боюнча мамлекеттик комитет аны “Кумтөр ишине” байланыштуу айыптап, “Коррупция” беренеси менен кылмыш ишин козгогон. Нарымбаев учурда коронавирус менен ооруп Бишкектеги «Бикард» жеке клиникасында дарыланууда.