Бүгүн, 26- августта Бишкек шаардык кеңешинин сессиясында борбор калаанын жаңы мэри шайланды. Шаардык кеңештин көпчүлүк коалициясы буга чейин мэрдин милдетин аткаруучу Айбек Жунушалиедин талапкерлигин сунуштаган.
Добуш берүү жараянына алты фракциядан турган шаардык кеңештеги 45 депутат катышты. Ошондой эле добуш берүү учурунда көз карандысыз эл аралык уюмдардын өкүлдөрү, байкоочулар көз салып, массалык маалымат каражаттарынын өкүлдөрү чагылдырды.
Шайлоонун жыйынтыгы менен калаа башчылыкка сунушталган жалгыз талапкерди жыйынга катышып жаткан 45 депутаттын 43ү колдоду. Экөө каршы добуш берди.
Белгилей кетсек, Айбек Жунушалиев 1976-жылы Чүй облусунун Кегети айылында туулган. Жусуп Баласагын атындагы Кыргыз улуттук университетинен билим алган. Эмгек жолун Кыргыз улуттук университетинде темир уста-сантехник болуп баштап, кийин аталган окуу жайда окутуучу болгон.
2010-2014-жылдары өкмөттүн Чүй облусундагы өкүлчүлүгүнүн аппарат башчысы болгон. Кийинчерээк, өкмөттө иштеп, 2015-жылы Эмгек, миграция жана жаштар министрлигинин статс-катчысы болуп иштеген.
Кийин Айбек Жунушалиев өкмөттүк аппараттын жетекчисинин биринчи орун басары болуп дайындалган. Май айында министрлер кабинетинин төрагасынын биринчи орун басары болгон.
Бишкектин бир бөлүгүндө таза суу убактылуу өчүрүлөт. Бул тууралуу мэриядан кабарлашты. Маадыматка ылайык, Жал кичи …
Бишкекте бүгүн, 16-апрелден тарта №23 жаңы автобустук каттам ишке кирет. Муниципалитеттен билдиришкендей, жаңы автобус линиясынын …
Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти. Белгиленгендей, мамыларды таза …
Бишкек шаарын көрктөндүрүү жана жашылдандыруу боюнча жарыяланган эки айлыктын алкагында борбор калаанын бардык райондорунда массалык …
Бишкекте балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү. …
Бишкек шаарынын мэри Айбек Жунушалиев «Бишкекасфальтсервис» муниципалдык ишканасы тарабынан жолдогу кемчиликтерди жоюу иштеринин жүрүшүн текшерди. …
