Бүгүн, 28-июнда Бишкекке Москвадан 393 кыргызстандык кайтып келди. Бул тууралуу ТИМдин басма сөз кызматы кабарлашты.
Маалыматка ылайык, алар “Аэрофлот – Россия аба каттамдары” авиакомпаниясынын учагы менен учуп келген.
«Россияда жогорку окуу жайларында окуган студенттер кайтышты. Мындан тышкары Россиянын аймагына окуу-машыгуу максатында барган пауэрлифтинг боюнча Кыргызстандын курама командасынын мүчөлөрү келишти. Ошондой эле, ооругандар, жакындары каза болгон жарандар алынып келди»,-деп айтылат маалыматта.
Мекенине кайтып келген бардык жарандар обсервацияга алынат.