Бишкекте көп кабаттуу үйдүн терезесинен кичинекей бала кулап түшкөн. Бул тууралуу Октябрь РИИБден тастыкташты.
Маалыматка ылайык, 23-июнда Бишкек ШИИБдин «102» кызматына «Улан» кичи районундагы үйлөрдүн биринде 14-кабаттан адам кулап түшкөнү тууралуу кабар келип түшкөн.
Алдын ала текшерүү учурунда 2023-жылы туулган Д. А. 14-кабаттын терезесинен кулап түшкөнү аныкталган. Ал ооруканага жеткирилген, бирок, алган жаракаттарынан улам каза болгон.
Тийиштүү экспертизалар дайындалып териштирүү иштери уланууда.
