Бишкектин Ленин районунда үч жеңил унаа сүзүшүп, 3 жаран жабыркады. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалым болгондой, кырсык 23-сентябрь күнү саат 09:05те Чортеков жана Масалиев көчөлөрүнүн кесилишинде болгон. Анда эки Тойота Камри жана Фольксваген Пассат үлгүсүндөгү унаалар кагышкан.
«Кырсыктын кесепетинен 3 эркек киши жабыркады. Окуя болгон жерге ӨКМнын Бишкек шаардык куткаруу кызматынын куткаруучулары тартылып, жабыркаган жарандарды унаадан чыгарышып, «Тез жардам» кызматкерлерине өткөрүп беришти»,-деп айтылат маалыматта.